Між іншага, абмяркоўваліся пытанні правядзення рэспубліканскага свята “Купалле” (“Александрыя збірае сяброў”), якое мае адбыцца 10 ліпеня ў аграгарадку Александрыя Шклоўскага раёна. У рамках святкавання будзе дзейнічаць выстава-кірмаш, якая размесціцца на беразе Дняпра: будуць прадстаўленыя, між іншага, творы дэкаратыўна-прыкладнога мастацтва.
Агульнай тэмай свята сёлета мае зрабіцца прэзентацыя традыцыі беларускіх рушнікоў. Падчас свята госці азнаёмяцца з экспазіцыямі, на якіх прадставяць старадаўнія і рэканструяваныя рушнікі, уласцівыя для розных рэгіёнаў, з уласнымі лакальнымі адметнасцямі. Тэма рушніка будзе прасочвацца і ў творчых праграмах, прэзентацыях і конкурсах, якія тут адбудуцца.
Таксама міністр адзначыў, што пры Міністэрстве неўзабаве мае быць створаны Савет па аказанні практычнай дапамогі новапрызначаным кіраўнікам. Акрамя таго, мяркуецца замацаваць за кожнай вобласцю краіны адказных асобаў з ліку начальнікаў упраўленняў і аддзелаў Міністэрства, што дазволіць аператыўна вырашаць рабочыя пытанні.