Прэзентаваць карціну міжнароднаму журы і нямецкім гледачам будуць сама рэжысёр-пастаноўшчык, аўтар сцэнарыя Алена Турава і выканаўца галоўнай дзіцячай ролі Дзіяна Запрудная.
Адзін з найбуйнейшых кінафестываляў Еўропы для дзяцей пройдзе сёлета ў шаснаццаты раз. З 10 па 16 кастрычніка мерапрыемствы форуму ахопяць Лейпцыг, Цвікаў і Кемніц, дэманструючы на шматлікіх пляцоўках акрамя асноўнай праграмы панарамныя паказы, конкурс "Фокус-Германія". Дарэчы, "свавольнік"- так можна перакласці нямецкае слова "шлінгель", што вынесена ў назву фэсту.
Між іншым, "Рыжык..." - не адзіны прадстаўнік нашай краіны на форуме. Вядучы спецыяліст па рэкламе і фестывальнай дзейнасці "Беларусьфільма" Эліза Патапенка паведаміла "К", што ў конкурсе прадстаўлена сяміхвілінная карціна "Сараканожка". Анімацыя створана ў бягучым годзе рэжысёрам-пастаноўшчыкам Таццянай Кубліцкай па ўласным сцэнарыі.
На здымках: кадры з "Рыжыка ў Залюстэраччы".