Як расказалі карэспандэнту “К” на кінастудыі, на дадзены момант праца над “чарнавым” варыянтам стужкі падышла да завяршэння. Канчатковы варыянт “Ваўкоў” будзе гатовы праз некалькі месяцаў. На “Беларусьфільме” карціну Колбышава лічаць адной з лепшых, знятых за апошні час, і спадзяюцца, што да таго, як трапіць у шырокі пракат, яна паўдзельнічае ў шэрагу міжнародных кінафорумаў. Берлінскі фестываль быў абраны для дэбюту новай беларускай стужкі як адзін з самых прэстыжных і зручных па часе правядзення.
Паводле атрыманай інфармацыі, на “РУП “Беларусьфільм” створана спецыяльная працоўная група для падрыхтоўкі субцітраў і пакета заявачных дакументаў. Берлінскі міжнародны кінафестываль, які лічыцца адным з кінафорумаў класа “А”, пройдзе ў лютым наступнага года.