Запіс у творчым нататніку
Відаць, у памяці кожнага чалавека ёсць “нататнік”, дзе пазначаны творы мастацтва, якія яго калісьці ўразілі. У маім “нататніку”, у раздзеле “жывапіс”, лічы, палову спіса складаюць краявіды. Магчыма, таму што я заспеў той час, калі жытло, каб яно лічылася “багатым”, было прынята ўпрыгожваць рэпрадукцыямі карцін у рамах. Было тое ў дзяцінстве, у 50-х. Некаторыя з іх захаваліся ў мяне дагэтуль. Хачу адзначыць, што хоць тагачасная савецкая паліграфія была вельмі далёкай ад дасканаласці, якасць тых рэпрадукцый была даволі высокай. Не толькі блізка да арыгінала перадаваўся колер, але чыталася нават фактура палатна.
Далей