У народным календары для пачатку восені ёсць спецыяльныя святы — Дажынкі, Багач, прымеркаваныя да заканчэння збору ўраджаю. Лічыцца, што “к гэтаму часу ў кожнага ўсяго багата”. Маўляў, добра папрацавалі летам — цяпер радуемся вынікам сваёй працы, ураджайнасці і багатым прысмакам. Як працяг старажытнай традыцыі — і свята яблык, і свята сыру, і свята пірагоў.
Як развітваліся з летам, як радаваліся багатаму ўраджаю, як творчыя калектывы і артысты Дамоў культуры ушаноўвалі аграрыяў і якімі новымі прыдумкамі і праектамі адзначыліся бібліятэкі з раёнаў — пра такія падзеі мы пагаворым на сённяшнім “Людным месцы” і зазірнём у розныя куткі Беларусі.