Коласаўскі тэатр спарадзіў нямала зорак першай велічыні. Але нават сярод іх яна вылучаецца сваёй яркасцю. Зусім нядаўна мы адзначалі стагоддзе з дня нараджэння народнай артысткі Беларусі, уладальніцы медаля Францыска Скарыны, ганаровай грамадзянкі горада Віцебска Зінаіды Канапелькі. У ейным жыцці было ўсё — і поспех, і страты. Яе шлях у тэатры ўвасобіў розныя вехі, розныя этапы гісторыі славутага нацыянальнага калектыву.