Менавіта тэма рэйтынгавасці айчыннага кіно стала адной з цэнтральных у гэтым нумары «К». Якія суадносіны сучаснага тэлевізійнага фармату і якасці канчатковага прадукту здымак, што мы бачым на тэлеэкране? Дадзенаму пытанню прысвечаны матэрыял рубрыкі «Соцыум».
А таксама фотарэпартаж са здымачнай пляцоўкі міні-серыяла «Скрасці Бельмандо», што якраз і здымаецца пад тэлепатрабаванні.
Ці не кожны чалавек марыць знайсці скарб, але часам не ўяўляе, што… літаральна спіць на ім. Менавіта такая гісторыя адбылася з віцябчанкай, якая больш за дваццаць гадоў літаральна спала на старажытных манетах.