Народны артыст з Мірa
Адна з залаў Карэліцкага раённага краязнаўчага музея расказвае пра славутых людзей Карэліччыны — навукоўцаў, пісьменнікаў, артыстаў. Ёсць у экспазіцыі і матэрыялы, прысвечаныя Аляксандру Ільінскаму. У былым СССР ён быў удастоены самых высокіх званняў — народнага артыста краіны і рэспублікі. Падчас стварэння новай экспазіцыі “Зямля і людзі” музей атрымаў з Беларускага дзяржаўнага тэатра імя Я.Коласа, дзе працаваў А.Ільінскі, фотаздымкі артыста ў шматлікіх ролях. А потым падчас паездкі ў Мінск мне давялося сустрэцца з дачкою артыста Алай Аляксандраўнай. Гутарка з ёю дапамагла ўдакладніць некаторыя факты біяграфіі Ільінскага, больш поўна ўявіць сабе, якім цудоўным чалавекам быў гэты таленавіты артыст, чаму калегі называлі яго “сумленнем тэатра”, а сваю гарачую любоў да яго таленту безыменныя гледачы ў цяжкі і галодны 1944 год аднойчы выказалі тым, што прынеслі яму на кватэру цэлы кош кветак, пад якімі ляжалі прадукты.
Далей