Які ён, Космас Івана Міско?
Заслужаны дзеяч мастацтваў Беларусі, лаўрэат Дзяржаўнай прэміі СССР Іван Міско адзначыў свой 75-гадовы юбілей персанальнай выстаўкай, якая адкрылася напярэдадні Сусветнага Дня авіяцыі і касманаўтыкі ў Нацыянальным мастацкім музеі. У гэты вечар, 11 красавіка, вернісаж стаў сапраўдным святам не толькі для юбіляра, але і для шматлікіх гледачоў, паклоннікаў творчасці і сяброў Івана Якімавіча: дзяржаўных і грамадскіх дзеячаў, прадстаўнікоў культуры і навукі, мастакоў і журналістаў, літаратараў і архітэктараў і г.д.