Прадстаўнікі Пасольства Беларусі ў Францыі, якое стала ініцыятарам і арганізатарам І Беларускіх тэатральных сезонаў у Францыі, зазначылі, што замежная публіка са шчырай цікавасцю сустрэла лірычную камедыю “Лёгкага жыцця ніхто не абяцаў” Тэатра-студыі кінаакцёра Нацыянальнай кінастудыі “Беларусьфільм”. Пра свае ўражанні, выкліканыя замежнай паездкай, журналісту “К” распавёў рэжысёр-пастаноўшчык спектакля, мастацкі кіраўнік тэатра, народны артыст Беларусі Аляксандр ЯФРЭМАЎ.

Нягледзячы на сваю доўгую гісторыю, Маладзечна застаецца горадам маладым, які жыве яркім, рознабаковым культурным жыццём. Наш горад адметны, яго па вартасці называюць сэрцам культурнага жыцця вобласці і за ім ужо даўно замацаваўся тытул культурнай сталіцы Міншчыны. Дзякуючы працы вядучых устаноў культуры, Маладзечна сёння з правінцыі пераўтворана ў сапраўдны сімвал музычнага мастацтва і культуры ўвогуле.