13 снежня ў Барысаве адбыўся першы здымачны дзень фільма, прысвечанага Уладзіміру Мулявіну. Раней паведамлялася, што «Першая КінаВідэаКампанія» выйграла тэндар Міністэрства культуры на вытворчасць біяграфічнага фільма пра легендарнага лідэара ансамбля «Песняры».

17 снежня 2020 года споўнілася 96 гадоў з дня заснавання Нацыянальнай кінастудыі “Беларусьфільм”. Менавіта ў гэты дзень у 1924 годзе гісторыя нашай краіны ў сваім календары пазначыла чарговую падзею: выйшла пастанова Савета народных камісараў “Аб кінавытворчасці ў БССР”. Тады ж пры Наркамасветы было створана Дзяржаўнае ўпраўленне па справах кінематаграфіі і фатаграфіі “Белдзяржкіно”, а потым зняты і першыя дакументальныя фільмы пра падзеі тых гадоў.

Сусветная культурная прастора запоўнена так шчыльна, што прабіцца туды са сваімі брэндамі, асабліва пры наяўнасці жорсткай канкурэнцыі мноства краінаў, даволі складана. Мы можам быць абсалютна ўпэўненыя, што нейкі аб’ект нашай нацыянальнай спадчыны ці асоба нашай гісторыі вартыя сусветнага прызнання і прысутнасці ў Спісе сусветнай спадчыны UNESCO ці ў календары памятных дат гэтага “сусветнага міністэрства культуры”, але каб нас там згадалі, трэба добра парупіцца.