Вы ўжо намецілі сабе тыя імпрэзы, на якія пойдзеце на “Славянскім базары ў Віцебску”, калі выберацеся ў ліпені ў гэты горад? Напэўна, у іх ліку і XXVII Міжнародны конкурс выканаўцаў эстраднай песні “Віцебск-2018”. Нашу краіну на ім будзе прадстаўляць Яўген КУРЧЫЧ. Мусіць, некаторым з вас мала што кажа гэтае імя. Але “куфэрак” адкрываецца вельмі проста — спевака многія ведаюць пад іншым імем. Пад якiм? Набярыцеся цярпення.

Творчыя вечары ў Беларускім саюзе кампазітараў заўсёды незвычайныя і хвалюючыя. Атмасфера на іх пануе папраўдзе сямейная — публіку аб’ядноўваюць агульныя глыбокія адчуванні. Кожная такая сустрэча — глыток натхнення сярод шэрых будняў. Але адна з апошніх была асаблівай. Яе героямі сталі юныя, але ўжо дасведчаныя музыканты. Багдану Бабічу — 15 гадоў, яго сястры Марыяне — усяго 11.

Малады дырыжор Павел ЛЮБАМУДРАЎ, які некалькі гадоў таму вярнуўся ў родную Беларусь пасля заканчэння Санкт-Пецярбургскай кансерваторыі, ужо крыху “саліраваў” на старонках “К” (гл. № 20 за 2015 г.), прэзентуючы створаны ім аркестр “Метамарфоза”. Гэтаму творчаму калектыву, што цяпер існуе не сам па сабе, а пры Беларускім саюзе музычных дзеячаў, пайшоў трэці год. Дык як жыве аркестр, атрымліваючы не стабільны заробак бюджэтнай установы, а толькі разавыя ганарары? Можа, ён проста выжывае? На гэтыя ды іншыя нашы пытанні адказаў мастацкі кіраўнік.

Яна нарадзілася ў гарадку Любань Мінскай вобласці. На той момант там не было прафесійных школ сучаснай харэаграфіі, якая так цікавіла дзяўчынку, а творчае станаўленне і рост абмяжоўваліся школьнымі пастаноўкамі і конкурсамі. Але жаданне танцаваць і ўнутраны імпульс аказаліся мацнейшымі за абставіны, і юная самавучка вырашыла паступіць у Мінскі дзяржаўны каледж мастацтваў. Гісторыя Сабіны МУНАСЫПАВАЙ — той самы выпадак, калі дзіцячае захапленне ператвараецца ў занятак усяго жыцця, а стараннасць і працаздольнасць дапамагаюць дасягнуць жаданага насуперак усім цяжкасцям.

Юлія ШАТУН — маладая рэжысёрка, поўнаметражны дэбют якой “Заўтра” быў адабраны ў нацыянальны і міжнародны конкурсы “Маладосць на маршы” мінскага фестывалю “Лістапад”. Ужо само па сабе гэта можна назваць несумненным поспехам — як і вялікай інтрыгай. Незалежна ад таго, якім чынам размяркуюцца ўзнагароды форуму, “К” вырашыла даведацца, хто ж з’яўляецца прэтэндэнтам на адкрыццё года ў беларускім кіно і што рыхтуе нам “Заўтра”.