У народным календары на 2019 год прадстаўлены асноўныя святы і прысвяткі з кароткімі тлумачэннямі, прыкметамі, прымаўкамі, урыўкамі з валачобных песень і гэтак далей. Дні (хранонімы), якія адзначаюць беларусы-католікі, выдзелены курсівам. Зорачкай /*/ пазначаны святы “рухомай” царкоўнай пасхаліі. У наступным 2020 годзе па каталіцкай пасхаліі Вялікдзень (Пасха) —12 красавіка, па праваслаўнай — 19. Умоўныя абазначэнні: п — панядзелак, а — аўторак, с — серада, ч — чацвер, пт — пятніца, сб — субота, н — нядзеля. Даўжыня дня і моманты ўсходу і захаду ў дні сонцастаянняў і раўнадзенстваў падаюцца для Мінска.

Без сумневу, прамінулы год на Беларусі прайшоў пад знакам Скарыны. Святкаванне 500-годдзя беларускага кнігадрукавання ўключала вялізны шэраг самых розных імпрэз і падзей. А галоўным ініцыятарам і мазгавым цэнтрам гэтай глабальнай грамадска-культурнай акцыі стала Нацыянальная бібліятэка Беларусі. Таму цалкам справядліва, што брэндавая для краіны ўстанова патрапіла ў лік лаўрэатаў прэміі “За духоўнае адраджэнне". Непасрэдна яна была прысуджана за даследчыцкі opus magnum — 20 тамоў кніжнай спадчыны Францыска Скарыны, якія ўтрымліваюць факсімільнае ўзнаўленне ўсіх яго захаваных выданняў. Але праграма юбілейных мерапрыемстваў утрымлівала і процьму іншых пунктаў. Пра іх распавядае непасрэдны каардынатар многіх юбілейных падзей, намеснік дырэктара па навуковай рабоце і выдавецкай дзейнасці Нацыянальнай бібліятэкі Алесь СУША.

Навагодняя дабрачынная акцыя “Нашы дзеці”, якая штогод праходзіць пад патранатам Прэзідэнта Рэспублікі Беларусь, завяршылася 28 снежня святам у сталічным Палацы Рэспублікі.

Беларускаму Дому друку 19 снежня споўніцца 100 гадоў! Сапраўды сімвалічна, што падчас 500-годдзя нацыянальнага кнігадрукавання прадпрыемства адсвяткуе і ўласны юбілей. А прадвеснікамі ўстановы з’яўляюцца і друкарня аднаго з манаскіх ордэнаў, і Мінская губернская друкарня, якая распачала сваю працу ў 1797 годзе, але нараджэннем цяперашняга паліграфічнага гіганта лічыцца менавіта апошні месяц рэвалюцыйнага 1917-га, калі “губернка” была перайменаваная ў друкарню Савета Народных Камісараў Заходняй вобласці і фронту.

Да 80-годдзя Беларускай дзяржаўнай філармоніі паэтычны тэатр аднаго акцёра “Зніч” падрыхтаваў тэатральна-канцэртную імпрэзу “Мне светла…”

Учора ў Бабруйску пачаўся Рэспубліканскі фестываль нацыянальнай драматургіі імя Вінцэнта Дуніна-Марцінкевіча. У дзвюх конкурсных праграмах — “Спектакль тэатра драмы” і “Эксперымент” — шосты па ліку форум сабраў 11 знакавых пастановак па творах беларускіх драматургаў. Акрамя непасрэдна паказаў у праграме пазначаны чыткі п’ес, творчыя лабараторыі, майстар-класы, лекцыі ад маладых тэатральных крытыкаў, адкрытыя абмеркаванні прагледжаных спектакляў.

3 ліс­та­па­да рас­пач­нец­ца да­ўно ча­ка­ны гур­ма­на­мі ты­дзень доб­ра­га кі­но з уся­го све­ту. Мін­скі між­на­род­ны кі­на­фес­ты­валь “Ліс­та­пад” аб­яцае шмат не­спа­дзя­ва­нак і но­вых ура­жан­няў. Ад­ным з ад­крыц­цяў мо­жа стаць і фі­льм “За­ўтра” ма­ла­дой бе­ла­рус­кай рэ­жы­сёр­кі Юліі Ша­тун (на фота), які тра­піў не то­ль­кі ў на­цы­яна­ль­ную пра­гра­му, але так­са­ма і ў міжнародны кон­курс “Ма­ла­досць на мар­шы”. Упершыню за ўсю гісторыю форуму туды ўключана айчын­ная стуж­ка.

У Беларусі праходзіць конкурс ідэй для стварэння спектакляў. Бюджэт — не больш за 20 тысяч рублёў. Заяўкі прымаюцца да 15 лістапада.