Па ініцыятыве гісторыка-краязнаўчага клуба “Спадчына”, што дзейнічае ў Магілёўскай абласной бібліятэцы, адбылася вечарына “Энцыклапедыя жыцця Магілёўшчыны”, прысвечаная перавыданню кнігі “Опыт описания Могилевской губернии в историческом, физико-географическом, этнографическом, промышленном, сельско-хозяйственном, лесном, учебном, медицинском и статистическом отношениях, с двумя картами губернии и 17 резными на дереве гравюрами видов и типов”. Гэтае грунтоўнае навуковае выданне ў 3 тамах пад рэдакцыяй магілёўскага губернатара Аляксандра Дамбавецкага ўпершыню выйшла ў 1882 — 1884 гадах.

Сёння распрацоўваецца канцэпцыя Нацыянальнага тэхнічнага музея з экспазіцыяй старадаўніх аўтамабіляў, якая можа размясціцца, да прыкладу, на тэрыторыі Брэсцкай крэпасці. Пазаштатны аўтар “К” піша пра адзін з магчымых экспанатаў будучай установы.

Займаючыся даследаваннем матэрыялаў па беларускім фальклоры, у дарэвалюцыйнай расійскай перыёдыцы іншым разам знаходзіў артыкулы, падпісаныя прозвішчам “Барычэўскі”. І паколькі артыкулы гэтыя мелі дачыненне да Беларусі, мяне не магла не зацікавіць асоба іх аўтара. Кароткія звесткі аб ім я знайшоў у “Рускім біяграфічным слоўніку” Венгерава. Якое ж было маё захапленне і здзіўленне, калі я даведаўся, што Барычэўскі аказаўся беларусам!