Сярод тых, хто прыходзіць на экскурсіі, - а гэта, звычайна, школьнікі, - сапраўднае захапленне выклікае... мамант, які сустракае іх на ўваходзе ва ўстанову культуры. Экскурсаводы ўжо прызвычаіліся да выгукаў захаплення ад тых, хто бачыць гэтую старажытную жывёліну ўпершыню, і нават назвалі яе Машкай.
Дзякуючы таму, што ў залах экалагічна-культурнага цэнтра ўсталяваны відэаэкраны, наведвальнікі маюць магчымасць паглядзець той або іншы фільм на экалагічную тэматыку, які звычайна ўваходзіць у праграму экскурсіі.
Не маглі абмінуць у Рэчыцы і той факт, што Гомельская вобласць з'яўляецца пацярпелай ад радыяцыйнага забруджвання, таму частка экспазіцыі прысвечана ліквідацыі наступстваў чарнобыльскай аварыі. Як кажа дырэктар Цэнтра Таццяна Пачапень, у Мазыры існуе падобная ўстанова, але яна працуе, хутчэй, у этнаграфічным накірунку. У Рэчыцы ж вырашылі скіраваць асноўную ўвагу на праблемныя аспекты навакольнага асяроддзя.
Фота аўтара