Інтрыга захоўвалася да самага пачатку конкурсу. Якое ж было здзіўленне гледачоў, што прыйшлі падтрымаць удзельніц, калі яны пачулі, што канкурсанткам патрэбна выканаць Спораўскую польку!
Узнёслыя, у народных строях, удзельніцы конкурсу выконвалі танец, фігуру за фігурай, зараджаючы энергетыкай і хараством полькі ўсю залу. Зала выбухнула апладысментамі!
Раённая імпрэза такога ўзроўню яшчэ раз даводзіць, што народная культура выклікае цікавасць. Самыя годныя дзяўчыны горада з гонарам прэзентавалі Спораўскую польку, пры гэтым імкнуліся выканаць яе як мага лепш і вытанчаней. Хіба ж гэта не выдатны вынік у справе папулярызацыі нематэрыяльнай спадчыны Бярозаўскага раёна?..
Вольга ЛАЎРЭНЧУК, метадыст Бярозаўскага раённага метадычнага цэнтра