Аўтары

Іваноўка лічыцца вёскай, а дэ-факта яна знаходзіцца за паўкіламетра ад горада і, можна сказаць, амаль увайшла ў склад Хоцімска. Да мяжы з Расіяй недалёка, і гэта таксама надае спецыфікі.

Увосень у раёне мінскай станцыі метро “Грушаўка” ўтварыўся, лічы, культурны кластар: адчыніліся крама-галерэя, музей, а ў адным з офісаў пачалі экспанавацца фотавыстаўкі. Да ўсяго, гэты квартал вядомы аматарам драўлянай і цаглянай архітэктуры сталіцы (якая часткова захавалася да сёння і можа лічыцца яшчэ адной атракцыяй культурнага кластару). Заўважым, у спальным раёне няма буйных дзяржаўных устаноў культуры.

У Дуброўне прайшло абласное свята “Вялікая вясельніца”. Імпрэза складалася з трох частак: рэканструкцыя вяселля на аснове традыцый Дубровенскага і Гарадоцкага раёнаў, паказ на сцэне адноўленых элементаў вясельнага абраду розных куткоў Віцебшчыны і майстар-класы па вясельных танцах ды гульнях. У фае Дубровенскага раённага дома культуры дзейнічала выстаўка вясельнай атрыбутыкі.

Гурт “Re1ikt” выдаў альбом “Лекавыя травы”, які прэзентуе 7 снежня ў Мінску. Бубнач гурта Аляксандр ДЗЕМІДЗЕНКА і бас-гітарыст Зміцер НАРКЕВІЧ распавялі “К” аб працы над рэлізам і пра сваё судакраненне з аўтэнтыкай.

Гісторыка-мемарыяльны музей “Сядзіба Нямцэвічаў” у вёсцы Скокі (непадалёк ад Брэста) прыняў касцюміраваны восеньскі баль, прысвечаны 238-м угодкам палаца. Гэтым разам большасць наведвальнікаў была з Брэста, некалькі чалавек з Мінска, прыйшлі таксама мясцовыя жыхары.

Яркія ўспаміны пакінула вёска Гудзевічы Мастоўскага раёна. Падчас экспедыцыі Студэнцкага этнаграфічнага таварыства не пакідала адчуванне, што едзем “у тыя самыя Гудзевічы”. Вельмі хацелі паглядзець літаратурна-краязнаўчы музей, сустрэцца з яго стваральнікам Алесем Белакозам. Былі і свае, навуковыя мэты: Гудзевічы — адзін з асяродкаў, дзе захавалася двухасноўнае ткацтва, унесенае ў Інвентар нематэрыяльнай культурнай спадчыны Беларусі.

Падчас Міжнароднага форуму “Традыцыйная культура як стратэгічны рэсурс устойлівага развіцця грамадства”, што прайшоў 11 — 13 лістапада ў Магілёве, удзельнікі распавялі пра вопыт сваіх краін у справе аховы нематэрыяльнай культурнай спадчыны, што разглядалася як праява аграрнага грамадства, якое адаптуецца да сучаснасці. Сярод выклікаў, што прысутнічаюць амаль паўсюдна ў свеце, — старэнне носьбітаў традыцый, спробы зацікавіць дзяцей і моладзь, імклівае разбурэнне сельскага ладу жыцця. Канешне, у кожнай краіне свае адметнасці.

У Магілёве прайшоў IV Міжнародны форум “Традыцыйная культура як стратэгічны рэсурс устойлівага развіцця грамадства”. Горад на Дняпры наведалі прадстаўнікі 11 дзяржаў. Збольшага гэта краіны СНД, а таксама Італія, Турцыя, Кітай, Польшча.

Нядаўна “К” пісала пра моду на арнаменты: “вышымайкі”, “вышыкубкі” ды “вышыштодзённікі”. Гэтым разам высвятляем, ці закранула гэта мода інтэр’еры. Балазе ў вэб-прасторы ўжо гучалі прапановы ажыццявіць, прынамсі, пробную партыю шпалераў з беларускімі сюжэтамі. Скажам, з рэпрадукцыямі касмічных тэм Язэпа Драздовіча.

Беларускія арнаменты сёння ў модзе. Іх можна сустрэць усюды: на вопратцы і машынах, кубках і торбах… З апошніх назіранняў: арнаментальныя выявы з’явіліся ў лагатыпах “Брэсцкага мясакамбіната” і вядомага вытворцы піва. Збольшага выкананы яны не традыцыйнай вышыванай ці тканай тэхнікай, а нанесены фарбай на розныя паверхні.