Аўтары
Аўтар Ілья СВІРЫН ( 593 cт. )art-блог № 12 / 1295 за 2017-03-25
Зусім не пра жаночае
Стэрэатыпы свядомасці вылучылі жаночаму мастацтву трывалы дыяпазон тэмаў — ад легкадумнай лірычнасці і “мілаты” да няўрымслівага змагання за права “людзьмі звацца”. Выстава “Чысціня і гігіена”, што адкрылася ў Нацыянальным цэнтры сучасных мастацтваў напярэдадні прафесійнага свята прадаўцоў цюльпанаў, не проста нязмушана, але рашуча абвяргае гэтыя ўяўленні — яна іх увогуле ігнаруе. Праект атрымаўся грунтоўным і прадуманым, глыбокім і прачулым, праблемным і сацыяльным у самым лепшым сэнсе слова. І хаця ўдзел у ім прынялі выключна прадстаўніцы “найлепшай паловы”, ён зусім не пра “сваё жаночае”. Хутчэй, пра чалавечае, калі на тое пайшло.
Далей
|
Форум № 10 / 1293 за 2017-03-11
Аскепак Горада Сонца ўжо страчаны?..
Лёс пасёлка Трактарнага завода даўно вісіць у паветры, але ўрэшце крытычная сітуацыя стала схіляцца да фатальнага зыходу. Ужо ў сакавіку запланаваны знос першай часткі ансамбля — адзінаццаці двухпавярховак. На іх месцы маюць паўстаць сучасныя жылыя гмахі. Як часта бывае ў такіх выпадках, пік грамадскага клопату пра аб’ект спадчыны назіраецца акурат наконадні прыезду спецтэхнікі. Публікацыі і рэпартажы ў найбуйнейшых СМІ і экскурсіі, якія збіраюць сотні людзей, прыцягнулі да “Трактарагорада” немалую ўвагу. Але ці паўплывае гэта на яго будучыню, сказаць пакуль цяжка. Без сумневу, аб’ект вельмі складаны — і сваімі маштабамі (гэта не адзін будынак, але… сапраўды цэлы гарадок, прычым каштоўны ён менавіта ў комплексе), і геаграфічным становішчам (далёка ад цэнтра) і, вядома ж, фізічным станам саміх пабудоваў. Што ж рабіць у дадзеных варунках, калі і захаваць цяжка, і страціць шкада? Гэтае пытанне мы вырашылі адрасаваць экспертам у сферы аховы спадчыны.
Далей
|
Сітуацыя № 9 / 1292 за 2017-03-04
Урокі Курапатаў
Сітуацыя вакол будаўніцтва офіснага цэнтра непадалёк ад урочышча, чыя назва стала сімвалам сваёй эпохі, яўна перавысіла ўсе магчымыя чаканні. Лакальны, здавалася б, эпізод (інвестар атрымаў зямлю пад забудову на ўскрайку ахоўнай зоны, заступіўшы на яе літаральна адной нагой) набыў папраўдзе агульнаграмадскі рэзананс. Не будзем пакуль прагназаваць, чым яно ўсё скончыцца, але хочацца верыць, што гэты прыкры канфлікт займее, прынамсі, адзіны плён: ён паслужыць урокам на будучыню. Прычым не толькі для інвестараў.
Далей
|
Тэндэнцыі сферы № 8 / 1291 за 2017-02-25
Карцін не будзе! або “Стол” паміж Арсеналам і Джардзіні
Праект “Стол”, які прадставіць Беларусь на 57-м Венецыянскім біенале, яшчэ амаль ніхто не бачыў, але асуджаюць яго ўжо вельмі ахвотна. Што ні кажы, вынік конкурсу на стварэнне куратарскай канцэпцыі Нацыянальнага павільёна і сапраўды быў нечаканы. Прадстаўляць краіну на буйным форуме сучаснага мастацтва даручана аўтару, які раней ніякім чынам з апошнім не асацыяваўся, — жывапісцу Раману Заслонаву. Пра тое, як і чаму ён выбіўся ў лідары, мы гутарым з камісарам беларускага павільёна Наталляй ШАРАНГОВІЧ. Ну а Мастак і ўжо без пяці хвілін куратар Раман ЗАСЛОНАЎ намерыўся ні ў якім разе не раскрываць канкрэтныя дэталі свайго праекта да моманту адкрыцця павільёна, і, апавядаючы пра ўласную задуму, старанна ўнікаў “спойлераў”. Але з яго словаў можна зразумець самае важнае: на біенале паедуць зусім не тыя карціны, якія ў Парыжы называюць салоннымі без усялякіх дрэнных канатацый. Даўно вядомы і, здавалася б, цалкам сфармаваны творца вырашыў прадэманстраваць сваё новае аблічча.
Далей
|
№ 7 / 1290 за 2017-02-18
Магічная сіла ініцыятывы
У красавіку Беларускі фонд культуры адзначыць сваё 30-годдзе. Лёгкая арыфметычная аперацыя дазваляе зразумець — гэтая грамадская арганізацыя паўстала ў зусім іншую гістарычную эпоху, ад якой да цяперашняга часу ўжо мала што засталося. Тым не менш, сёння БФК не толькі “падае прыкметы жыцця”, але і нярэдка выступае трэндсэтэрам культурных ініцыятыў — згадайма хаця б нядаўнюю прапанову надаць Нацыянальнай бібліятэцы імя Скарыны, якая ўскалыхнула медыяпрастору ды выклікала адабрэнне ўладных структураў. Прэс-канферэнцыя, якая прайшла напярэдадні юбілею ў прэс-цэнтры БелТА, дазваляла зразумець, якія функцыі ў наш час можа выконваць грамадскае аб’яднанне.
Далей
|
Суботнія сустрэчы № 7 / 1290 за 2017-02-18
Тэлепантэон можа быць недабудаваны…
На тэлеканале “АНТ” адбылася прэм’ера цыкла “100 імёнаў Беларусі”. Гэты праект настолькі вытлумачальны і чаканы ў нашым эфіры, што выпадае хіба здзіўляцца, чаму яго ніхто не зрабіў дасюль. Балазе, пра такі эфектыўны спосаб папулярызацыі знакавых постацяў мінуўшчыны гаварылася настолькі часта, што думка, здавалася б, ужо сама сабою павінна была матэрыялізавацца. Тым не менш, само сабою нічога не здараецца. Пра задуму тэлепантэона нацыянальных герояў і пакручастыя шляхі яе рэалізацыі мы гаворым з генеральным прадзюсарам праекта Уладзімірам БОКУНАМ.
Далей
|
№ 5 / 1288 за 2017-02-04
Ад хаткі да хайтэка
Прафесар Беларускага нацыянальнага тэхнічнага ўніверсітэта, доктар архітэктуры Сяргей СЕРГАЧОЎ не толькі ведае пра народнае дойлідства амаль усё (сведчаннем таму — яго нядаўняя грунтоўная манаграфія), але і здолеў вывесці яе ўтоеную ад павярхоўнага погляду квінтэсэнцыю, абагульніўшы свае шматгадовыя даследаванні ў некалькіх трапных фармулёўках. З сёлетнім лаўрэатам прэміі Прэзідэнта краіны “За духоўнае адраджэнне” мы гаворым як пра захаванне набыткаў нашых продкаў, так і пра той карысны ўрок, які яны могуць даць сучасным архітэктарам і асабліва іх замоўцам.
Далей
|
"К" інфармуе № 3 / 1286 за 2017-01-21
Альянс навукоўцаў і дыпламатаў
Пасля прыняцця Кодэкса аб культуры дзейнасць па вяртанні вывезеных па-за межы краіны культурных каштоўнасцяў, якая вядзецца ад першых месяцаў беларускай незалежнасці, набудзе больш сістэмны характар. Пастановай Савета міністраў ад 13 студзеня пры ўрадзе створана камісія па выяўленні, вяртанні, сумесным выкарыстанні і ўвядзенні ў навуковы абарот тых скарбаў нашай культуры, што апынуліся ў іншых краінах.
Далей
|
Соцыум № 3 / 1286 за 2017-01-21
Зваротны бок інклюзіўнасці
У будні дзень жыццё на Мінскім мастацкім камбінаце ідзе ў звычайным рытме. Тыя, каго можна сустрэць у калідорах і саміх майстэрнях — гэта пераважна пазбаўленыя разявацкай сентыментальнасці прафесіяналы ў сферы мастацтва. Для знаёмства з апошнім паспалітаму люду прызначаны зусім іншыя месцы з зусім іншай атмасферай. Таму з’яўленне тут групкі наведвальнікаў — ужо само па сабе выключэнне з правілаў. Тым больш, рушаць яны на ўласную выставу. Напрыканцы мінулага года Мемарыяльны музей-майстэрня Заіра Азгура сумесна з мастацкай майстэрняй Псіханеўралагічнага дома-інтэрната №2 зладзілі ўнікальны па сваёй канцэпцыі выставачны праект “Кропка максімуму”. “Музейная” яго частка ўключала толькі люстэркі, кожнае з якіх было падпісанае імем аднаго з наведвальнікаў студыі, а таксама дакументальныя відэафільмы пра іх. Самі творы экспанаваліся ў раскіданых па горадзе майстэрнях прафесійных мастакоў, дзе карціны маглі ў вызначаны час убачыць усе ахвотныя.
Далей
|
Prof-партфоліа № 2 / 1285 за 2017-01-14
“Салон нас не цікавіць”
Полацкая мастацкая галерэя можа пахваліцца не толькі фрэскамі са Спаса-Ефрасіннеўскай царквы, якія дзякуючы ўнікальнай рэстаўрацыйнай методыцы, па сутнасці, пераўтварыліся з манументальнага жывапісу ў станковы, і не толькі цудоўнай калекцыяй абразоў. Адзін з яе паверхаў займае грунтоўная экспазіцыя паваеннага беларускага мастацтва. Прычым важнасць тут уяўляюць нават не столькі імёны і ўласна творы, колькі памкненні сфармуляваць цэласны кантэкст гэтага, здавалася б, нядаўняга перыяду. Фарміраваннем калекцыі, якое вядзецца цягам ужо больш як трыццаці гадоў, займаецца сёння загадчыца галерэі Ларыса ЛЫСЕНКА.
Далей
|
Назад
|
Цікавосткі: варта прачытаць! Гісторыя і лёсы: культура Беларусі ад мінулага да сучаснасці
|