Аўтары

21 — 23 кастрычніка адбыўся VII Міжнародны кангрэс “Бібліятэка як феномен культуры”, арганізатарамі якога выступалі Міністэрства культуры Рэспублікі Беларусь, Нацыянальная бібліятэка Рэспублікі Беларусь, Міждзяржаўны фонд гуманітарнага супрацоўніцтва дзяржаў-удзельнікаў СНД, Рэспубліканскі цэнтр нацыянальных культур, а таксама Беларуская і Расійская бібліятэчныя асацыяцыі.

Кожны юбілей — час падсумавання пэўных вынікаў творчага шляху, а стагадовы юбілей — асабліва. Напрыканцы жніўня ў выдавецтве “Беларусь” па заказе і пры фінансавай падтрымцы Міністэрства інфармацыі пабачыла свет кніга “Гісторыя Купалаўскага тэатра. Эпоха. Горад. Людзі”. Аб найбольш адметных і цікавых фактах з гісторыі тэатра распавяла ўкладальніца гэтага выдання Вольга Бабкова.

13 кастрычніка ў Нацыянальным гістарычным музеі Рэспублікі Беларусь адбылася прэзентацыя часовай экспазіцыі “Археалагічны помнік: фіксацыя мінулага ў мінулым”. Выстава адбываецца ў межах музейнага праекта “Мінулае мае будучыню: дыялог культуры і навукі”, і працягнецца да 15 лістапада. Нацыянальны гістарычны музей і яго аддзел археалогіі, нумізматыкі і зброі сёння з’яўляецца важнай платформай для праектаў, што папулярызуюць археалагічную навуку ў Беларусі. Якія пытанні займалі даследчыкаў помнікаў даўніны ў мінулыя часы, і аб чым дбаюць іх сённяшнія калегі?

Ці павінныя музеі працаваць не толькі з гістарычнымі артэфактамі, але і з нематэрыяльнай культурнай спадчынай? Ці дапамогуць народныя традыцыі павысіць цікаўнасць да нашых музеяў у наведвальнікаў як з Беларусі, так і з замежжа? На гэтыя пытанні сёння спрабуюць знайсці адказы супрацоўнікі музейных устаноў з усёй краіны.

З нагоды Дня архівіста, які сёлета адзначаецца 4 кастрычніка, зноў звяртаемся да досведу і набыткаў супрацоўнікаў архіўнай справы. Гэтым разам аб поспехах і дасягненнях у гэтай галіне распавяло кіраўніцтва Нацыянальнага гістарычнага архіва Рэспублікі Беларусь.

90 гадоў таму, у кастрычніку 1930 года, на базе спецыяльнага вышэйшага опернага класа Беларускага музычнага тэхнікума была створаная Беларуская студыя оперы і балета. Менавіта яна ў 1933 годзе была рэарганізаваная ў Дзяржаўны тэатр оперы і балета БССР, які сёння вядомы як Нацыянальны акадэмічны Вялікі тэатр оперы і балета Рэспублікі Беларусь. З гэтай нагоды аб гісторыі станаўлення тэатра мы пагутарылі з даследчыкам беларускай оперы Сяргеем Русецкім.

Апошнім часам у свеце ўсё большую папулярнасць набывае культурны турызм. Паводле ацэнкі Сусветнай турыстычнай арганізацыі, такія турысты таксама і трацяць на траціну болей, дазваляючы культурным установам, якія яны наведваюць, болей зарабляць і ўстойліва развівацца. Усё больш прыхільнікаў знаходзіць таксама творчы турызм, што прадугледжвае актыўны ўдзел падарожнікаў, якія навучаюцца розным мастацкім ці рамесным практыкам, а ў выніку могуць, напрыклад, стварыць сувеніры ўласнымі рукамі.

На гэтым тыдні споўнілася сто гадоў з дня заснавання дома-музея Адама Міцкевіча ў Навагрудку. Аб тым, чаму гэтая сядзіба можа прэтэндаваць на званне найстарэйшай культурнай установы ў Беларусі, і чым сёння жыве колішняя калыска класіка, распавядае “К”.