Аўтары

Сталічная аптэка № 88, якая належыць да РУП “Белфармацыя”, знаходзіцца ў гістарычным цэнтры горада — на Старажоўскай вуліцы ў Траецкім прадмесці. На першы погляд, дзякуючы такому размяшчэнню, яна добра вядомая многім мінчукам і нават гасцям горада. Але не многія ведаюць, што тут ужо дзесяць гадоў дзейнічае своеасаблівы музей — кабінет гісторыі фармацыі. Прыцягвае ўвагу і аптэчны інтэр’ер — нават не самы дасведчаны наведнік можа заўважыць, што аздоблены ён нешараговым чынам. Усё — ад гатычнага шрыфту шыльды над уваходам у аптэку да тамбура, вазаў з кветкамі і мэблі ў гандлёвай зале — нагадвае аб старадаўніх традыцыях аптэкарскай справы і аднаўляе атмасферу ранейшых стагоддзяў.

У Нацыянальным гістарычным музеі 6 сакавіка прайшоў навуковы семінар “Вытокі беларускай археалогіі. Паўночны захад: ад палеаліту да Каложы”. Мерапрыемства было прымеркаванае да 205-годдзя з дня нараджэння Яўстаха Тышкевіча і 150-годдзя з дня нараджэння Іосіфа Стаброўскага. Хоць памятныя даты прыпалі на мінулы год, адзначыць іх вырашылі сёлета.

21 лютага ў Дзяржаўным літаратурна-мемарыяльным музеі Якуба Коласа адбылася першая выстава праекта “Вайна і мір. Беларусь памятае”, прымеркаванага да 75-годдзя Перамогі. Як пісала “К” у мінулым нумары, Міністэрства інфармацыі і Міністэрства культуры Рэспублікі Беларусь распачынаюць гэты маштабны культурна-гістарычны праект сумесна з калекцыянерам, лаўрэатам прэміі “За духоўнае адраджэнне” Уладзімірам Ліхадзедавым. У рамках праекта будзе зладжаны шэраг выставачных экспазіцый, якія распавядуць аб удзеле беларускага народа ў войнах з 1812 па 1945 год, а таксама аб гісторыі мірных міжваенных гадоў і сучаснасці.

12 — 13 сакавіка ў Нацыянальным гістарычным музеі ў рамках Года малой радзімы адбыўся I Рэспубліканскі краязнаўчы форум Беларусі, арганізатарамі якога выступіў таксама Беларускі фонд культуры пры падтрымцы Міністэрства культуры Рэспублікі Беларусь і Міністэрства інфармацыі Рэспублікі Беларусь. Партнёры форуму — Нацыянальная бібліятэка Беларусі, Саюз пісьменнікаў Беларусі і Выдавецкі дом “Звязда”.

Прах славутага літаратара Змітрака Бядулі перавезены ў Мінск і будзе перапахаваны ў сталіцы. Пра гэта было абвешчана 27 лютага падчас прэс-канферэнцыі ў Дзяржаўным музеі гісторыі беларускай літаратуры.

Як “К” паведамляла ў папярэднім нумары, 3 сакавіка ў Мінскай гарадской ратушы адбылася прэзентацыя серыі жывапісных работ “Імя ў гісторыі Мінска. Гістарычныя асобы ў партрэтах сучасных мастакоў”, прымеркаваная да даты першай летапіснай згадкі пра горад у “Аповесці мінулых гадоў”. На шасці партрэтах прадстаўленыя гістарычныя асобы, якія ў розныя часы кіравалі Мінскам і яго ваколіцамі. У дзень прэзентацыі пра лёсы і здзяйсненні колішніх кіраўнікоў Мінска распавялі даследчыкі іх біяграфій — кандыдаты гістарычных навук Сяргей Тарасаў, Алег Дзярновіч і Андрэй Кіштымаў. Прапаноўваем агляд цікавостак з гэтай лекцыі-экскурсіі.