Штотыднёвая грамадска-асветнiцкая газета
Выдаецца з кастрычнiка 1991 года
Спадчына ўздоўж праспекта
Цэлы год, пачынаючы з мая, на агароджы парка імя Чалюскінцаў будзе прадстаўлены фотаілюстрацыйны праект "Спадчына Беларусі ў сусветным спісе UNESCО". Праект, аўтарамі якога з'яўляюцца Аляксандр Аляксееў і Алег Лукашэвіч, а арганізатарам — Арт-цэнтр Вольгі і Андрэя Смалякоў, закліканы паказаць унікальнасць айчыннай гісторыі і культуры ў сусветнай прасторы.
"Пчолкі" на старце
28 мая ў Клімавічах распачаўся Міжнародны фестываль дзіцячай творчасці "Залатая пчолка-2015". У гэты Дзень сяброўства жыхары раёна сустракалі гасцей з самых розных краін свету. Фестываль будзе доўжыцца да 31 мая. Канкурсанты пакажуць майстэрства ў вакальным, харэаграфічным, выяўленчым і дэкаратыўна-прыкладным мастацтве. На здымку — дэлегацыя з Кыргызстана ў дзень адкрыцця фэсту.
Першы палёт "Сіняй птушкі"
Прэм'ерай "Сіняй птушкі" Марыса Метэрлінка Беларускі рэспубліканскі тэатр юнага гледача вяртаецца на родную, але абноўленую сцэну. 2,3 і 4 чэрвеня чакаюцца прэм'ерныя паказы гэтага спектакля.
Палескія спевы на Падляшшы
Калектыў “Чабатухі” з вёскі Сташаны Пінскага раёна прыняў удзел у Днях славянскага пісьменства, што нядаўна ўпершыню прайшлі ў Бельск-Падляшскім у Польшчы. У межах свята адбыўся музыказнаўчы семінар, канцэрт беларускіх калектываў і адкрыццё фотавыстаўкі “Бежанства-1915. Супольная гісторыя”.
Бязвыйгрышны прынцып выбару
Не так даўно актуальнай для абмеркавання ў сацыяльных сетках тэмай — неспадзеўкай — сталі помнікі археалогіі. Здымкі з пасадкамі вінаграду на гарадзішчы пад Мінскам і будаўнічых работ ля падножжа Навагрудскага замка выклікалі ў неабыякавых людзей недаўменне і абурэнне. Пракаментаваць гэтыя выпадкі мы папрасілі начальніка ўпраўлення па ахове гісторыка-культурнай спадчыны і рэстаўрацыі Міністэрства культуры Рэспублікі Беларусь Ігара ЧАРНЯЎСКАГА. Натуральна, гутарка зайшла таксама і пра іншыя праблемныя тэмы, датычныя аховы, выкарыстання і нават выяўлення помнікаў археалогіі.
Такі патрэбны дысананс…
Надоечы мой калега Аляксандр Чарнуха ў Сеціве патлумачыў шкоднасць прывозу гурта “Metallica” ў Мінск для айчыннай культурнай прасторы: “Выправа на канцэрт у нас асацыюецца з магчымасцю падпець да болю знаёмыя песні і пусціць слязу на завучаным пройгрышы. Мы ідзём туды не дзеля таго, каб нешта адкрыць, атрымаць новы досвед і адчуванні, а для таго, каб паставіць “птушачку”. Замацаваць пройдзены ўрок. Па сутнасці, мы як гульцы ў покер, якія ўвесь час пасуюць. Яны ў гульні, яны практычна нічога не губляюць, але і не знаходзяць таксама. Тады навошта гуляць?”
Як выяўленчаму без рынку?
У 1980-я, калі я толькі пачынаў свой шлях у вялікім выяўленчым мастацтве, у Беларусі штоквартальна праходзілі буйныя і прэстыжныя рэспубліканскія выстаўкі. Трапіць на іх імкнуўся кожны мастак. Там экспанаваліся сапраўды лепшыя творы беларускіх жывапісцаў, і калі чалавек трапляў у гэтую абойму на такой падзеі, значыць, ён чагосьці быў варты ў сваёй прафесіі.
Застацца ў серыяле акцёрам
Пад час майстар-класа па спецыфіцы працы акцёра тэатра на экране, які зладзіла творчая майстэрня “Тэрыторыя кіно”, мне давялося даць адказы на некалькі пытанняў. Мяркую, не стане лішнім тое, што цікавіла наведвальнікаў сустрэчы, агучыць і праз старонкі газеты “Культура”. Мо камусьці гэтыя думкі пададуцца патрэбнымі, прынамсі, у спасціжэнні акцёрскай прафесіі.
Акрылены Мадоннамі
Аляксей Кузьміч — вядомы мастак Беларусі. Яго радзіма — еўрапейская, славянская, і ён — мастак еўрапейска-славянскага маштабу. На гэтую сусветную вышыню майго земляка ўзнеслі Мадонны. Яны акрылілі яго, натхнілі на творчы подзвіг, раскрылі яго прыродны талент, вывелі на высокую арбіту. З гэтага касмічнага Парнаса бачны загадкавыя Мадонны, ад якіх душа наша напаўняецца сонечнай энергіяй.
Твой след на мапе Мастацтва
Яшчэ ў 2012 годзе UNESCO абвясціла чацвёрты тыдзень мая Міжнародным тыднем мастацкай адукацыі. Галоўная мэта названага мерапрыемства — павышэнне інфармаванасці міжнароднай супольнасці пра важнасць мастацкай адукацыі, умацаванне супрацоўніцтва паміж народамі, дэманстрацыя агульнасусветнай культурнай разнастайнасці, міжкультурнага дыялогу і сацыяльнай згуртаванасці. Натуральна, далучылася да маштабнай агульнасусветнай акцыі і наша краіна. Пра сёлетнія асаблівасці і перспектывы Міжнароднага тыдня мастацкай адукацыі “К” пагутарыла з начальнікам аддзела ўстаноў адукацыі і работы з творчай моладдзю Міністэрства культуры Рэспублікі Беларусь Аленай Гуляевай.
Парк крэатыўнага перыяду
Кожны тур намотвае на кардан сотні кіламетраў, а мы завітваем пры гэтым ў дзясяткі ўстаноў культуры і пастаянна пераконваемся: калі на мясцовым узроўні ўсяляк падтрымліваюцца цікавыя праекты, ініцыяваныя работнікамі сельскіх клубаў і бібліятэк, дык рэгіянальная культура будзе няўхільна развівацца і здзіўляць самабытнасцю. А ініцыятыў, вартых увагі, гэтымі веснавымі днямі мы пабачылі нямала.
Іўе: варыяцыі на тэму брэнда
У наш час наяўнасць адметнага брэнда — не толькі прэстыж для асобна ўзятага раёна, але і магчымасць папоўніць “пазабюджэт” сферы культуры і адпаведна павялічыць даходы работнікаў клубаў, музеяў, бібліятэк і дамоў рамёстваў… Не дзіўна, што за брэнды часам ідзе сапраўднае змаганне — Шаркаўшчына і Глыбокае, якія да сёння не могуць падзяліць Язэпа Драздовіча ды Бен Іегуду, — яскравы таму прыклад.
Здабыткі з любанскага "...куфэрку"
22 — 24 мая ў Любані прайшоў Х Адкрыты абласны фестываль дзіцячай тэатральнай творчасці “Чароўны куфэрак”. Юбілей стаўся дадатковай падставай паразважаць над далейшым развіццём і самога свята, і нацыянальнага тэатральнага мастацтва — як аматарскага, так і прафесійнага. Бо тое, бы ў люстэрку (у прамым, “крывым” і ўвогуле “залюстэркавым” сэнсах), адбіваецца на нашых дзецях і іх творчасці.
Данцыг без эскізаў
Не так даўно народнаму мастаку Беларусі Маю Данцыгу споўнілася 85 гадоў. Пра такіх, як ён, гавораць “чалавек-эпоха”. Данцыг — аўтар класічных, можна сказаць, эталонных твораў “суровага стылю”. Ягоная творчасць — наш нацыянальны брэнд. У маі журналісты рэдакцыі “К” сустрэліся з мэтрам у ягонай майстэрні.
У яго творах танчыць… сонца
Скульптар Эдуард Астаф’еў паказвае чарговую выстаўку ў Светлагорскай карціннай галерэі “Традыцыя” імя Германа Пранішнікава.
Калісьці былі студэнтамі…
Беларуская дзяржаўная акадэмія мастацтваў сёлета святкуе 70-гадовы юбілей. Гэта зручная нагода азірнуцца на пройдзены шлях, асэнсаваць напрацаваны вопыт. Нездарма да юбілейных дат прымяркоўваюць навукова-творчыя канферэнцыі з гістарычным ухілам.
Іван і Джулія: гомельская версія
Гомельскі абласны драматычны тэатр віншаваў ветэранаў спектаклем “Ён. Яна. Вайна” паводле “Альпійскай балады” Васіля Быкава: 9 мая ўваход для іх быў вольны.
Тэнар прыедзе…
Віцебскі глядач цягам апошніх сезонаў паспеў ужо засумаваць па добрай камедыі. І нарэшце яна з’явілася на Коласаўскай сцэне. Рэжысёр Міхась Краснабаеў абраў для новай пастаноўкі п’есу Кена Людзвіга “Шукаем тэнара”, колішні паспяховы дэбют вядомага сёння аўтара.
Бібліятэкар-франтавік
Са слоў старажылаў у вёсцы Малеч першая хата-чытальня была арганізавана ў 1946 годзе, а яе загадчыкам стаў дваццаціаднагадовы франтавік Валянцін Рупека.
Галаграмы і не толькі
Сустрэчы навукоўцаў з навучэнцамі Жодзіна праходзілі ў незвычайным афармленні. Выстаўку мастацкай галаграмы ў экспазіцыйнай зале Краязнаўчага музея ў рамках праекта “Моладзь і навука: праз супрацоўніцтва і адукацыю да новых адкрыццяў і перамог” наведала больш за дзве тысячы чалавек. Там былі прадстаўлены дзясяткі галаграм рознага фармату і тэматыцы.
Музыка колеру
Старажытныя філосафы сцвярджалі, што музыка — гэта жывапіс, які можна чуць, а жывапіс — музыка, якую можна бачыць. У Малой зале імя Р.Шырмы Беларускай дзяржаўнай філармоніі ўжо два месяцы доўжыцца выстаўка жывапісу мінскай мастачкі Ларысы Зарубінай.
Фармат? Новы!
5 — 7 чэрвеня ў Маладзечне пройдзе Нацыянальны фестываль беларускай песні і паэзіі. Не чарговы, а юбілейны 15-ы — і ў новым фармаце. Што значыць праславуты “новы фармат” не на словах, а на справе, змогуць даведацца не толькі госці і ўдзельнікі фэсту, але і ўся краіна: большасць канцэртаў будуць транслявацца па "СТБ" на наступны дзень пасля іх правядзення. Пра “начынне” ж тых праграм размова вялася на прэс-канферэнцыі, што адбылася ў Музеі Уладзіміра Мулявіна ў Беларускай дзяржаўнай філармоніі — пад “акампанемент” Дзяржаўнага акадэмічнага сімфанічнага аркестра Беларусі, які ў Вялікай канцэртнай зале рэпеціраваў музыку П.Чайкоўскага.
Што за дзвярыма Вялікага?
25 мая Нацыянальны акадэмічны Вялікі тэатр оперы і балета правёў дзень адкрытых дзвярэй. Сотні наведвальнікаў у дзясятках экскурсійных груп пабачылі таямніцы тэатра. А журналістам дазволілі зазірнуць у закуліссе. Прапануем фотасюжэт з нагоды.
Улісы, якія знаходзяць...
Ці любіце вы ныраць так, як, скажам, дэльфіны? Мне часам здаецца, што я дэльфін. І вось плыву я, усміхаюся сонцу ва ўсе дзвесце мінус шэсць зубоў ды рэгулярна даю нырца. Гляджу, што дзеецца пад вадой і, здараецца, заўважаю на дне дзіўныя прадметы, якія не магу ідэнтыфікаваць. А быў бы я чалавекам, дык лёгка б вызначыў, што гэта — дзве амфары, а тое — пакрышка ад аўтамабіля. Зрэшты, не ўсякі чалавек у амфары пазнае амфару, на тое ёсць спецыялісты, і мой матэрыял — пра іх, пра тое, што іх звязвае з акадэмічнай навукай і культурай. А таксама пра тых, каму без дапамогі такіх людзей не абысціся.
Летапісец партызанскай эпапеі
...Часта мастаку-партызану даводзілася ўдзельнічаць у баявых аперацыях. Гэта і разведка, і прарыў блакады, засады, знішчэнне варожых гарнізонаў і здраднікаў-паліцаяў, дыверсіі на чыгуначных участках Быхаў — Жлобін, Жлобін — Бабруйск. Раманаў успамінаў той факт, што толькі за два веснавыя месяцы 1943-га партызаны пусцілі пад адхон 32 эшалоны ворага, падарвалі і пашкодзілі 7 мастоў, больш за 40 аўтамашын, разграмілі дзясятак варожых апорных пунктаў. А ў час аперацыі “Рэйкавая вайна” падарвалі 140 рэек, разбурылі стрэлачныя пераводы і пашкодзілі раз’езд Амельня, а пазней, вобразна кажучы, пусцілі ў "тартарары" яшчэ больш за тысячу рэек. І ва ўсіх такіх аперацыях прымаў удзел партызан Сяргей Раманаў. А калі выдаваліся кароткія прывалы ці невялікія перапынкі паміж баямі, ён браў альбом і спешна фіксаваў у ім свае ўражанні, назіранні.

Новы нумар

Рэдакцыйна-выдавецкая ўстанова
"Культура і мастацтва"

2016 - Год культуры

Далей
© 2007 - 2017 «Культура». Зроблена ў «Вэбпрофі»