Штотыднёвая грамадска-асветнiцкая газета
Выдаецца з кастрычнiка 1991 года
Дарогі гэтыя нам забыць нельга...
Нядаўна народны мастак Беларусі Віктар Аляксандравіч Грамыка адзначыў свой 85-гадовы юбілей. За 50 гадоў творчай дзейнасці зроблена шмат што: ад вялікіх фігуратыўных карцін да эпічных і лірычных карцін-пейзажаў, ад партрэтаў да нацюрмортаў...
“Незабудкі” Чавушчыны як мясцовы эталон
Чароўная прыгажосць і пяшчота гэтых кветак, трываласць, з якой яны трымаюцца свайго арэала, — нібы ўвасоблены ў іх вобраз беларускай жанчыны.
Цырк не перастане здзіўляць...
Зусім нядаўна, 2 снежня, Гомельскі дзяржаўны цырк сустрэў сваё 35-годдзе. Яго будынак быў узведзены ў 1972 годзе і адразу стаў адным з пазнавальных сімвалаў Гомеля, месцам неаслабнага прыцягнення для дзяцей і дарослых. Зрэшты, традыцыі цыркавога мастацтва ў горадзе над Сожам сягаюць у ХІХ стагоддзе. Яшчэ ў 1890 г. на месцы Коннай плошчы прадпрымальнік Слобадаў фундаваў першы, драўляны будынак цырка. У ім выступала нават японская прыдворная трупа Ямасакі-сан, дэманстраваў “Рускі Калізей” знакаміты Ф.Дураў... Як распавядае генеральны дырэктар і мастацкі кіраўнік Гомельскага дзяржаўнага цырка, заслужаны дзеяч культуры Рэспублікі Беларусь Якаў Лабовіч, першая ў свеце жанчына-ілюзіяністка Амела Дароццы (Клара Карасік) была родам з Гомеля, як і першы выканаўца трайнога сальта Павел Мар’янкоў, і Анатоль Вязаў, які ўпершыню асвоіў скачок з-пад купала на гумавых канатах.
Белы арган і чорныя лебедзі для маёнтка Румянцавых-Паскевічаў
“Культура” не пакідае без увагі Гомельскі палацава-паркавы ансамбль Румянцавых-Паскевічаў — адзін з кандыдатаў на ўключэнне ў Спіс сусветнай спадчыны ЮНЕСКО. Калектыў гэтай культурнай установы праводзіць велізарную навуковую і творчую працу, здзіўляючы і радуючы гамяльчан і гасцей горада новымі музейнымі экспазіцыямі, выстаўкамі, імпрэзамі. Здавалася б, зусім нядаўна генеральны дырэктар палацава-паркавага ансамбля Алег Рыжкоў дзяліўся з “К” планам усталяваць у Белай гасцёўні палаца сучасны арган з класічным гучаннем. І вось, як было абяцана, напярэдадні Каляд гомельскія аматары музыкі ўпершыню пачулі яго велічны голас. Зразумела, падчас камандзіроўкі ў Гомель захацелася на ўласныя вочы ўбачыць (а мо і пачуць) гэты шляхетны інструмент, а заадно пагутарыць з Алегам РЫЖКОВЫМ пра плён мінулага года і бліжэйшыя перспектывы.
Казка і ява Нясвіжчыны
18 студзеня Міншчына святкуе 70-годдзе. Гэтая вобласць — не толькі геаграфічны цэнтр Беларусі, але і пастаянны лідэр рэспубліканскага сацыякультурнага развіцця. Тут спрадвек — адны з лепшых паказчыкаў па выкананні дзяржаўных праграм: па адраджэнні вёскі, развіцці малых і сярэдніх гарадоў, па кадравым забеспячэнні культурнай сферы... А Нясвіжскі раён у маштабах Міншчыны (ды і краіны) — таксама надзвычай паказальны і адметны. Мясцовае княства згадваецца ў пісьмовых помніках аж з 1223 года. Ардынацыя Радзівілаў з XVI стагоддзя досыць вынікова экспартуе нашу нацыянальную культуру і па беларускіх правінцыях, і па еўрапейскіх абсягах. Сённяшнія спадкаемцы княжычаў-асветнікаў не менш адказна доўжаць традыцыі выбітных продкаў. Пераканаліся ў гэтым у час нашай камандзіроўкі ў “сэрца Беларусі”, дзе паміж каляднымі і навагоднімі святамі феерычная казка сівой даўніны арганічна паядналася з гэткай жа прывабнай сённяшняй явай.

Новы нумар

Рэдакцыйна-выдавецкая ўстанова
"Культура і мастацтва"

2016 - Год культуры

Далей
© 2007 - 2017 «Культура». Зроблена ў «Вэбпрофі»