КРОКІ ДА ВЯРТАННЯ
У галерэі «NOVA» адкрылася выстава «Валерый Лабко. Вяртанне. Крок 2». Гэты майстар фатаграфіі ў апошнія дзесяцігоддзі свайго жыцця рэалізоўваўся як настаўнік, клапаціўся пра школу, а многія яго творы засталіся невядомымі прафесійнаму асяродку. «Фатаграфія, — пісаў Валерый Дзмітрыевіч, — толькі інструмент. Патрэбны аўтар. Аўтар з галавой і чуйным сэрцам... Я мала веру ў тое, што аўтары могуць з’явіцца самі па сабе. А вось школа — гарантавана працуе на іх з’яўленне. Выкладаецца рамяство, але адначасова можа стварацца і асяроддзе, якое сілкуе таленты». Пералік яго спраў і пачынанняў уражвае. Cтаршыня праўлення першага Саюза фотамастакоў Беларусі, даследчык у галіне прадуктыўных адукацыйных методык, крытык, куратар выставачных праектаў, рэдактар шэрагу кніг па фотамастацтве, аўтар арыгінальных тэхналогій праяўкі і друку, эксперт у сферы гісторыі камп’ютэрнай графікі, паліграфіі і інфармацыйнай архітэктуры, Web, аналагавай і лічбавай фатаграфіі. Піянер беларускага інтэрнета, аўтар і мадэратар галіны форума «Сустрэча з легендай» на фатаграфічным вэб-партале www.znyata.com. Рэдактар рубрыкі «Лічбавае фота» ў часопісе «Digital Photo and Video Camera» (Кіеў, Украіна). З імкненнем згадаць, зразумець, асэнсаваць уплыў асобы Валерыя Лабко на сучаснуюфатаграфію сабраліся пасля адкрыцця выставы ў галерэі «NOVA» навучэнцы яго другой і трэцяй студый.
Далей