Час марцовых катоў
Гэта ж колькі, Божухна, часу прайшло з моманту майго даўгагрывага джынсова-рок-н-рольнага юнацтва? Сапраўды, момантам усё мільганула. Скончыў дзесяцігодку ў 1977-м. Было мне толькі 16. Сем гадоў дабіраўся да Веткі альбом Uriah Heep з песняй Jule Morning. Яна стала гімнам апошняга лета майго дзяцінства. І распачала адлік маёй спрадвечнай любові да класічнага рока. Таму факт, што чараўніку-энігматыку Чэславу Немэну споўнілася б 16 лютага 80 гадоў, лічу знакавым. Журналістка Юлія Цімашчук назвала Чэслава вялікім рок-музыкантам. Не маю аргументаў, каб запярэчыць. Менавіта Юлія даслала нам інфармацыю, як адзначылі 80-годдзе з дня нараджэння Чэслава Немэна на яго роднай Шчучыншчыне. І ўсё гэта не магло не скіраваць сённяшні агляд у рэчышча музыкі, любові, кахання. Лёгкі дотык да вобраза жанчыны пакінем для наступнага нумара “К”.
Далей