Кожная грамадская з’ява ўваходзіць каранямі ў глыбіні гісторыі, і каб зразумець яе, трэба ведаць вытокі. Перш за ўсё, гэта тычыцца культурнай сферы — шматзначнай, разнастайнай і шматгучнай. Сёлета сістэма культасветустановаў Беларусі адзначае сваё стагоддзе. Яна фарміравалася ва ўмовах разрухі, голаду, барацьбы за ўсталяванне новай улады, якое вяло за сабою змены ў спаконвечнай абрадавай культуры народа.