“Зорная карта” Кірчука
Для сустрэчы з лідарам этна-трыа “Троіца” — вядомым фалькларыстам Іванам КІРЧУКОМ “К” вырашыла дэлегаваць не аднаго свайго журналіста, а адправілася да яго ўсемярых — “упаўнаважанымі” прадстаўнікамі рэдакцыі. Як і меркавалі, гутарка атрымалася на розныя тэмы. Яго новую кнігу “Гарыць свечка ля алтара...”, якая выйшла ў верасні, склаў матэрыял досыць стракаты, хоць і падначалены пэўнай логіцы. Праўда, сустрэча наша атрымалася не надта святочна-прэзентацыйнай. А размова адбылася ў невялікім пакоі аднаго з карпусоў Беларускага дзяржаўнага педагагічнага ўніверсітэта імя Максіма Танка, і распачаў яе сам герой матэрыялу...