“Парніковае” падаткаабкладанне? Тады шансон — не на аграсядзібу!
Мы шмат пісалі пра тое, што беларускія аграсядзібы павінны мець нацыянальны каларыт. Іх у нас — каля дзвюх тысяч. Цягам мінулага года адпачыла тут 223 тысячы чалавек. 30 працэнтаў з іх — замежныя турысты. І ў нашым вясковым антуражы прапаноўваць, скажам, японцам сушы як вячэру, арыгамі як сувенір, харакіры як абрад — не надта дарэчна, мякка кажучы. Не зразумеюць. Маўляў, свайго мы і дома пакаштуем — давайце дранікаў ды “Лявоніху”!.. Усё гэта так. Але гаспадароў сядзіб не вучаць нацыянальнай свядомасці. І не ўсе пакуль дацямілі, што аўтэнтычнае беларускае на Беларусі прадаваць выгадней — нават суайчынніку, які ўжо “наеўся” турцыямі і чэхіямі. Вось і ўзнікаюць на беларускіх абсягах, хутчэй, турыстычныя фазэнды ды ранча, а не традыцыйнае звонку беларускае жытло, няхай сабе і з сучасным унутраным еўраначыннем.
Далей