Музей Пэна: ёсць канцэпцыя
У бліжэйшыя гады ў Віцебску мае з’явіцца Музей Юрыя (Юдаля) Пэна. Пра гэта карэспандэнту "К" паведаміла загадчык філіяла "Мастацкі музей" Віцебскага абласнога краязнаўчага музея Вольга Акуневіч. "Прынята рашэнне аблвыканкама аб яго стварэнні, — зазначыла яна, — і сёння ідзе праца над ягонай канцэпцыяй". Скарыстаўшыся магчымасцю пад час камандзіроўкі ў Віцебск, наш карэспандэнт распытаў кіраўніка распрацоўкі канцэпцыі будучай музейнай установы пра абрысы новага праекта.