Капрызная нябесная канцылярыя не спяшаецца радаваць: то сыпле снегам, то “плача” дажджом, то зноў падмарозіць. А, як вядома, пры адмоўнай тэмпературы вада застывае ў выглядзе ледзяной скарынкі на любой паверхні: на ходніках, дарогах, дратах, карнізах дамоў і гэтак далей. Для пешаходаў адразу ўзнікае праблема: як прайсці па дарозе і не паслізнуцца на ледзяной паверхні.