Коды трыенале
Усебеларуская выстаўка сучаснага мастацтва атрымала новую назву "Першае мінскае трыенале сучаснага мастацтва “БелЭкспаАрт-2012”. “На сёння — гэта галоўная навіна, — адзначыў куратар трыенале Аляксандр ЗІМЕНКА. — Кіраўніцтва краіны падтрымала ідэю трансфармаваць адзінкавую выстаўку ў падзею, якая будзе ладзіцца раз на тры гады ў сталіцы. І гэта вялікі крок наперад”. Тэрміны правядзення выстаўкі перанесены на канец лістапада 2012-га. Адказнасць за галоўную падзею года ў сферы культуры ўзяў на сябе Цэнтр сучасных мастацтваў. Каб разабрацца ў тым, на якім этапе зараз работа над трыенале, і што мы на ім убачым, “К” звярнулася да Аляксандра Зіменкі, які, скарыстаўшыся кінапрыёмам прасоўвання прадукту, распавёў нам хутчэй слоўны “тызер”, а не паўнавартасны “трэйлер” будучай выстаўкі…