Кажуць, дзяцінства — гэта і ёсць той страчаны рай, што кожны з нас шукае ўсё жыццё. Страчаным раем для нашага знакамітага земляка Марка Шагала быў яго Віцебск — месца, якое ён не пераставаў адлюстроўваць ва ўсіх сваіх работах. Не дзіва, што тыя, хто калі-небудзь адважваецца на стварэнне кіно пра вялікага мастака, не могуць абмінуць увагай гэты выдатны беларускі горад.