У гродзенскім Новым замку прайшла персанальная выстаўка дацэнта кафедры манументальна-дэкаратыўнага мастацтва Беларускай дзяржаўнай акадэміі мастацтваў Юрыя Каралевіча. На вернісажы былі прадстаўлены 15 карцін з выявамі вядомых гістарычных дзеячаў мінулага, сярод якіх — Рагвалод і Усяслаў Чарадзей, Міндоўг і Вітаўт, Тадэвуш Касцюшка і Леў Сапега.
На тэлебачанні неяк дэманстраваўся рэпартаж пра ўклад мастакоў-рэстаўратараў Мікалая і Яўгеніі Фей у адраджэнне аблічча Палаца Румянцавых і Паскевічаў: яны цягам вось ужо 30 гадоў рэстаўруюць перліну архітэктуры. Сярод таго, што адноўлена гэтымі выдатнымі майстрамі, — манументальныя паркавыя вазы, дэкаратыўная ляпніна калон, карціны, унікальная мэбля.