Яскравае пажаданне Кіраўніка дзяржавы, выказанае на леташнім "Славянскім базары ў Віцебску", падкрэслівае самы важны аспект глабальнай гуманістычнай задачы міжнароднага форуму з яго неад'емнай "духоўнай інфраструктурай".
Міжнародны фестываль мастацтваў “Славянскі базар у Віцебску-2011” распачынаецца літаральна праз некалькі дзён пасля ўрачыстага святкавання 20-годдзя беларускай Незалежнасці. І, падаецца, гэта — невыпадкова. Тое ж на пачатку нашай “перадфестывальнай” гутаркі адзначыў і першы намеснік міністра культуры Рэспублікі Беларусь Уладзімір КАРАЧЭЎСКІ.
З кожным годам на Алеі зорак у Амфітэатры на адно імя становіцца больш. Гэта імёны тых, хто на канцэрце адкрыцця “Славянскага базару ў Віцебску” ўганароўваецца спецыяльным прызам Прэзідэнта Рэспублікі Беларусь Аляксандра Лукашэнкі “Праз мастацтва — да міру і ўзаемаразумення”. На юбілейным фестывалі такога гонару ўдастоены народны артыст СССР, народны артыст Беларусі, старшыня Беларускага саюза кампазітараў Ігар ЛУЧАНОК.