Раскоша яднання з прыродай... Выбірайцеся на тыя «дваццаць з лішнім тысяч рэк, адзінаццаць
тысяч азёр», пра якія пісаў Уладзімір Караткевіч! І ўжо на гэты ўік-энд хтосьці выправіцца ў фэст-тур
на азёры, каб сустрэць чарговыя «Браслаўскія зарніцы», а нехта ў лясную зону адпачынку пад Мінскам — на Рэспубліканскую спартакіяду работнікаў культуры...
На персанальных выстаўках заўсёды размяшчаюць біяграфіі мастакоў, з якімі глядач можа азнаёміцца перад аглядам экспазіцыі. У экспазіцыі твораў Вячаслава Зіноўевіча Ражкова — дзве біяграфіі: уласная і яго жонкі Антаніны Мікалаеўны. Упершыню ўбачыўшы гэта, здзіўляешся: чаму так? І толькі пагутарыўшы з музай жывапісца, разумееш: у кожнай рабоце Ражкова — часцінка не толькі ягонай, але і ейнай душы.