З адчуваннем жыцця
Пасля спектакля “Вельмі простая гісторыя” Тэатра-студыі кінаакцёра 30 сакавіка гледачы не спяшаліся пакідаць залу. Шматлікія “Брава!” патаналі ў шчырых апладысментах нездарма: у гэты дзень адбыліся ўрачыстасці, прымеркаваныя да 30-годдзя трупы. І ўжо ніяк не скажаш, што гісторыя тэатра — вельмі простая. За гэтыя тры дзясяткі гадоў у ёй з’явіліся свае даты, нават вехі, свае “ўзлёты і расчараванні”, як казалі са сцэны ў той вечар. Урэшце, склалася свая лінія лёсу...