Мецэнаты з роду Завішаў
Першыя ў найноўшай гісторыі насельнікі гэтай старадаўняй абіцелі пачалі з'яўляцца ў сярэдзіне 90-х гадоў мінулага стагоддзя. У перыяд свайго чарговага адраджэння Свята-Дабравешчанскі мужчынскі манастыр у невялікай вёсцы з адпаведнай назвай Малыя Ляды Смалявіцкага раёна меў прыстасаваны ў савецкі час пад складскія памяшканні велічны храм, створаны ў стылі позняга барока. Ды шэраг будынкаў мясцовай базавай школы, вучняў якой даўно не ставала нават на адзін клас. Сёння гэта паўнавартасны манастыр са сваім укладам, прыведзеным да ладу храмам і ўтульнымі келлямі для браціі абіцелі. І што самае галоўнае, ён мае багатую, часам нават неверагодную, гісторыю.
Далей