Аляксандр ЛУКАШЭНКА: “Мы паступова, крок за крокам узнаўлялі перарваную сувязь часоў...”
Як дарэчы ўзгадваліся строфы пра “мароз і сонца — дзень цудоўны!” 16 снежня ля старажытных муроў Мірскага замка, які ў гэты дзень ўрачыста адкрыўся для наведвальнікаў пасля працяглай рэканструкцыі. Двор велічнага палаца літаральна віраваў ад разнастайных дзей: гасцей, якія завіталі ў Мір спецыяльна, каб пазнаёміцца з адноўленай архітэктурнай перлінай нашай гісторыка-культурнай спадчыны ХVI — ХХ стагоддзяў, сустракалі сярэднявечныя рыцары, побач ішло народнае гулянне, музыкі ў стылізаваных касцюмах выконвалі старадаўнюю беларускую музыку… Паветра было проста насычана атмасферай свята і радасці!