Карнавал у прадчуванні балю
Да 20 лістапада, калі Мінск стане сталіцай дзіцячага “Еўрабачання”, засталося яшчэ багата часу, але флюіды гэтай падзеі адчуваюцца і сёння. Сур’ёзная заяўка на самы арыгінальны, крэатыўны і густоўны “трыб’ют” конкурсу ўжо пададзена. Чарговы этап “ажыўлення” карцін Андрэя Смаляка адбыўся з удзелам беларускіх герояў дзіцячага “Еўрабачання”. Зазначым, іх выявы, поруч з іншымі героямі цыкла, упрыгожаць найпрэстыжнейшыя выставачныя залы Беларусі ўжо ў самым бліжэйшым часе. “Якія?” — запытаецеся вы. Як кажуць аўтары, гэта пакуль сакрэт.