Тэма пейзажу заўсёды вабіла мастакоў розных пакаленняў. Усё характэрнае ў прыродзе, якая відазмянялася з будаўніцтвам гарадоў, вёсак, знаходзіла адлюстраванне ў жывапісе. Але мастакі, каго мы сёння называем лірыкамі краявідаў, за мэту звычайна ставілі выяўленне прыгажосці роднай зямлі, выражэнне сваіх адносін да блізкіх сэрцу мясцін.
Час — катэгорыя значная ў мастацкім працэсе. Парознаму з’яву адлюстроўваюць мастакі розных часоў, інакш бачаць адны і тыя ж рэчы аднаго часавага адрэзку прадстаўнікі пакаленняў… Таму экспазіцыя “Сёння, заўтра і ўчора”, якая прадстаўлена ў Малой зале Музея сучаснага выяўленчага мастацтва, — гэта невялічкі эксперымент і для ўдзельнікаў праекта, і для музейшчыкаў.