Чытач — Газета — Міністэрства
Да вас звяртаюцца работнікі аддзела культуры Хоцімскага райвыканкама Магілёўскай вобласці. Цягам шэрагу гадоў аддзелу культуры выдзяляліся грашовыя сродкі на правядзенне проціпажарных мерапрыемстваў. Аднак, зыходзячы з аналізу, асноўная частка фінансаў выдаткоўвалася на абсталяванне аб’ектаў культуры сродкамі пажарнай сігналізацыі і яе тэхнічнае абслугоўванне. Фактычна ўсе аб’екты з масавым знаходжаннем людзей аснашчаны сродкамі АПС, за выключэннем чатырох сельскіх клубаў, якія размешчаны ў маланаселеных вёсках (у некаторых з іх жыве да 50 чалавек, і масавага наведвання ва ўстановах культуры там няма). Але, нягледзячы на гэта, супрацоўнікамі МНС складаюцца прадпісанні і адміністратыўныя пратаколы за адсутнасць сігналізацыі. Растлумачце, калі ласка: ці патрэбна сігналізацыя на такіх аб’ектах? У аддзеле культуры маюцца аб’екты, такія, як сельскія бібліятэкі, якія таксама абсталяваны сродкамі АПС. Ці патрэбна сігналізацыя ў бібліятэках, што, напрыклад, наведвае ўсяго 50 чытачоў (наведвальнасць іх у суткі складае 3— 4 чалавекі ў розны час дня, масавых мерапрыемстваў там не праводзяць)?
Далей