“Найсалодкія” балады
Мастак Алесь Квяткоўскі бярэцца за тэмы, што падказала беларуская літаратура, не ўпершыню. Нагадаем, ягоны дыплом у БДТМІ— Сцяна Памяці беларускіх паэтаў і пісьменнікаў, загінулых у гады Вялікай Айчыннай вайны для фае Дома літаратара ў Мінску, сярод вядомых работ — жывапісныя творы “Вясна загінулых паэтаў”, “Партрэт”. А з новых — нізка з пятнаццаці палотнаў, на якія паэт В.Шніп напісаў 15 вершаў, што складаюць “Баладу дарогі да храма”. Гэта спроба так званай візуальнай паэзіі.
Далей
Мастыхін
Чорна-белыя адценні гісторыі, каляровая сучаснасць — пэўна, так можна акрэсліць гаму выстаўкі “Мае землякі” народнага мастака Беларусі Леаніда Шчамялёва, адкрытую пад час “Славянскага базару ў Віцебску”. З 31 карціны, прывезенай майстрам, у экспазіцыі змясціліся 27. Але іх спалучэнне стварыла падабенства двухчасткавага цыкла — накшталт “прэлюдыі і фугі”.
У філіяле Нацыянальнага мастацкага музея Рэспублікі Беларусь — Музеі В.К. Бялыніцкага-Бірулі ў Магілёве працуе выстаўка Вячаслава Паўлаўца пад назвай “Чорна-белыя мары”.