Гучная песня Ціхінічаў
Адметнасці культурнай сферы Рагачоўшчыны не толькі ў тым, што тут паспяхова выконваецца раённы складнік абласной праграмы “Моладзь”, распрацаванай летась упраўленнем культуры Гомельшчыны; не толькі ў тым, што ў рэгіёне пад пільным кантролем знаходзіцца кадравае пытанне: больш за 80 працэнтаў спецыялістаў маюць вышэйшую і сярэднюю спецыяльную адукацыю, 18 з 247 вучацца завочна ў ВНУ, ССНУ, 15 — мэтавікі, якія вучацца стацыянарна. І не ў тым нават, што ўсе даведзеныя планы мясцовы аддзел летась перавыканаў і па выніках абласной выніковай калегіі названы адным з лепшых на Гомельшчыне. Адметным і вартым паўсюднага пераймання падаецца іншае: улады раёна ўсяляк падтрымліваюць аддзел культуры і першарадным абавязкам лічаць не толькі нарошчванне сельгасвытворчасці, але і паралельнае якаснае пераўтварэнне культурнай сферы: удасканальванне і матэрыяльнай базы, і форм работы з насельніцтвам. Толькі адзін штрых: пры паўсюднай эканоміі бюджэтных сродкаў будаўніцтва ў сферы культуры — мінімальнае, але штогод з’яўляюцца новыя тыпы ўстаноў з абавязковай мадэрнізацыяй і формы, і зместу. Напрыклад, у старым будынку раённай школы мастацтваў неўзабаве адкрыюцца зала для прэс-канферэнцый і карцінная галерэя (новая ДШМ упрыгожыць прылеглую да райвыканкама тэрыторыю ўжо сёлета), а леташняе адкрыццё Грамадска-культурнага цэнтра ў аграгарадку “Ціхінічы” дазволіла пазбавіцца ад прыкрага даўгабуда (збіраліся калісьці ўзвесці гандлёвы цэнтр, але сіл не хапіла) і падштурхнуць вёску да новага кроку ў сацыякультурным развіцці. Гэтыя і іншыя пераўтварэнні супалі з прыходам на пасаду старшыні райвыканкама Віктара БАНЧУКА, які лічыць, што канцэртны раяль (такі, як у Ціхінічах) павінен быць у кожным аграгарадку: і як сімвал таго, што вясковыя дзеці ў параўнанні з гарадскімі ніяк не абдзелены ў рэалізацыі магчымасцей, і як абавязковая ўмова выхавання новай свядомасці новага пакалення.
Далей