Мастацкія каласавіны
Сёлета мы святкуем 125-годдзе з дня нараджэння Янкі Купалы і Якуба Коласа. У кожнага народа ёсць свае аўтарытэты. Для беларусаў, без сумнення, — гэта яе Песняры. Яны абодва былі выдатнымі пісьменнікамі і знакавымі постацямі, сімваламі краіны і станаўлення нашай нацыянальнай самасвядомасці. Выстаўка “Мастацкія каласавіны”, якая адкрылася ў Рэспубліканскай мастацкай галерэі “Палац мастацтва”, прысвечана іх юбілейным датам і прымеркавана да чарговага, ХІХ з’езда Беларускага саюза мастакоў.