Мастак Валерый СЛАВУК узнагароджаны за вялікі ўнёсак у развіццё станковай і кніжнай графікі.

Дваццаць гадоў таму раённы дом рамёстваў Акцябрскага раёна туліўся на арэндных плошчах і для паўнацэннай працы іх хранічна не ставала. Але нездарма ходзіць па Гомельшчыне пагалоска, што начальнік аддзела ідэалагічнай работы, культуры і па справах моладзі Святлана Беразоўская любыя вызваленыя памяшканні імкнецца хуценька прыбраць пад свой кантроль і на агульную карысць. Так і з РДР здарылася. Два гады таму ён перабраўся пад дах дзіцячай бібліятэкі. Агульная колькасць творчых майстэрняў павялічылася да дванаццаці.