Конкурс — праведзены, вынікі — падведзены
Згодна са зменамі ў заканадаўстве, якія ўступілі ў сілу напрыканцы мінулага — у пачатку бягучага года, фінансаванне беларускага кіно цяпер ажыццяўляецца на конкурснай аснове. “К” неаднаразова пісала пра Адкрыты рэспубліканскі конкурс кінапраектаў, што ўпершыню праводзіўся ў нашай краіне з мэтай развіцця айчыннай кінавытворчасці і вывядзення яе на новы ўзровень. Да 25 мая ў Дэпартамент па кінематаграфіі Міністэрства культуры краіны зацікаўленымі арганізацыямі накіроўваліся заяўкі, якія былі разгледжаны спецыяльнай камісіяй. У склад яе ўвайшлі спецыялісты Міністэрства культуры, Міністэрства інфармацыі, Міністэрства фінансаў, а таксама прадстаўнікі розных кінематаграфічных спецыялізацый ды супрацоўнікі кінапракату. На бягучым тыдні былі падведзены вынікі першага конкурсу на лепшы кінапраект. З просьбай пракаменціраваць тэндэнцыі конкурсу карэспандэнт “К” звярнуўся да выконваючага абавязкі дырэктара Дэпартамента па кінематаграфіі Міністэрства культуры Рэспублікі Беларусь Святланы ШЫЦІКАВАЙ.
Далей