Team theatre стварыў першы ў Беларусі дзіцячы спектакль для невідушчых гледачоў. Атмасферную “Снежную каралеву” пабачылі ўжо гомельскія і мінскія сем’і.

Брэсцкі акадэмічны тэатр драмы прапанаваў усім ахвотным правесці “Ноч у тэатры”. За сімвалічныя пяць рублёў (менавіта столькі каштаваў білет) наведвальнікі маглі не толькі ўбачыць новыя спектаклі, але і пабываць за кулісамі, пакатацца на паваротным коле і паспрабаваць сябе ў ролі Гамлета.

“Што такое аўтызм? Для некаторых людзей гэта застаецца толькі словам”, — гаворыць адна з гераінь новага фільма Галіны Адамовіч “Нашы дзеці”. 2 красавіка, у Сусветны дзень распаўсюджання інфармацыі аб праблемах аўтызму, у сталічным кінатэатры “Беларусь” адбылася нацыянальная прэм’ера стужкі вядомай аўтаркі.

У Маладзечне — дзве тэатральныя прэм’еры, якія выйшлі адна за другой і выклікалі рэзананс сярод крытыкаў і журналістаў. А ўсё таму, што ў тамтэйшым Мінскім абласным драматычным тэатры з’явіўся надзвычай актыўны, творча “бурлівы” мастацкі кіраўнік — заслужаны дзеяч мастацтваў Беларусі Валерый Анісенка. Ён прымерыў на сябе ролю дырыжора ў аднайменным монаспектаклі па п’есе Лявона Агулянскага, а трупу вывеў на “Час сэканд-хэнд” паводле кнігі Святланы Алексіевіч. Абедзве працы прыдатныя для фестывальных паказаў.