“Флэшбэк” даўжынёй у стагоддзе
“Flashback”, або “Flashing back”, літаральна абазначае зварот у мінулае. Кожны тыдзень, пачынаючы з сакавіка, гледачы АНТ бачаць на экране своеасаблівую “версію” славутай інфармацыйнай праграмы “Час” з застаўкай, адпаведна аформленай студыяй і дыктарам. Гэткі рэтраспектыўны кадр — частка стылістыкі і драматургічнага ходу тэлецыкла дакументальных фільмаў “Зваротны адлік”, створанага ў майстэрні Уладзіміра Бокуна. З’яўленне праграмы стала нешараговай з’явай у айчынным тэлемастацтве. І не толькі таму, што ўпершыню ўзняты, вобразна ды маштабна пададзены і асэнсаваны разнастайны гістарычны матэрыял. “Зваротны адлік” арганічна выявіў здольнасць аўтараў фільмаў спалучыць традыцыі класічнага неігравога кінатэлемастацтва з канцэптуальным гістарычным падыходам у візуальнай падачы падзей мінулага.
Далей