Крылы смутку і памяці
У сувязі з авіякатастрофай у Смаленскай вобласці, што забрала дзесяткі жыццяў польскіх грамадзян, сярод якіх знаходзіўся Прэзідэнт Рэспублікі Польшча Лех Качыньскі, ад імя беларускага народа і сябе асабіста Прэзідэнт Рэспублікі Беларусь Аляксандр Лукашэнка выказаў глыбокія спачуванні Маршалу Сейма Рэспублікі Польшча Браніславу Камароўскаму, а таксама родным і блізкім загінулых. Пра гэта паведамляе Прэс-служба Прэзідэнта Рэспублікі Беларусь. “Вялікае гора абрынулася на блізкую нам дзяржаву, з якой Беларусь звязваюць даўнія роднасныя, гістарычныя і культурныя адносіны. Пачуццё глыбокага смутку па трагічна загінулых у авіякатастрофе Прэзідэнце і грамадзянах Рэспублікі Польшча ахапіла нашы сэрцы. Кіраўніцтва Рэспублікі Беларусь і ўвесь беларускі народ выказваюць шчырыя спачуванні родным і сваякам загінуўшых, а таксама польскім уладам, — гаворыцца ў спачуванні. — Мы разумеем, якія незаменныя страты для народа Польшчы прынесла гэтая трагічная падзея. У надзвычай цяжкі для вашай краіны час прыміце словы нашай падтрымкі і глыбокай спагады”.
Далей