Перадсвяточны “рамонтны” дух у Лідзе адчуваецца ўжо на вакзале. Ад яго старэнькага будынка засталіся адны сцены, якія спакваля, літаральна навачах, пераўва сабляліся рабочымі ў новы аб’ект, на “пяцёрачку”. Ды і нераўнуючы ўвесь горад ператварыўся ў суцэльную будоўлю. А яго сімвал — знакаміты Замак Гедыміна — турыстаў часова не прымае. Пакуль што без каскі туды ўваход забаронены.

Вышэйшай узнагародай на Міжнародным конкурсе “Мастацтва кнігі” краін — удзельніц СНД у Маскве адзначылі выдавецтва “Мастацкая літаратура” за кнігу “Напалеон Орда. Шлях да Бацькаўшчыны”.

Той, каму не даводзілася бываць у Віцебску хаця б пару гадоў, моцна здзівіцца, яшчэ здалёк убачыўшы, здавалася б, знаёмыя абрысы яго цэнтра. З нядаўняга часу над высокімі схіламі і зграбнымі прыземістымі камянічкамі сталі дамінаваць барочныя вежы дзвюх адноўленых цэркваў, паміж якіх удала ўпісалася ратуша.

Установа культуры: праект інтэрактыву пад адкрытым небам. Разнастайных прапаноў цікавага адпачынку ў нашай краіне, прынамсі, у сталіцы, штогод становіцца ўсё больш. А вольнага часу ў сучаснага чалавека — усё менш. Вось і даводзіцца выбіраць паміж чыстым паветрам на лецішчы і паходам у тэатр або музей. Зрэшты, даўно прыдумана добрае спалучэнне двух гэтых аспектаў культурнага адпачынку. Маю на ўвазе музеі старажытнага побыту пад адкрытым небам — скансены, якіх на сёння налічваецца ў свеце каля 600. Ёсць свой падобны музей і ў Беларусі, ля зліцця легендарных рэк Пцічы і Менкі, паміж вёскамі Азярцо і Строчыца, за чатыры кіламетры ад Мінскай кальцавой аўтадарогі. Здаецца, само месца прызначана для турыстычных маршрутаў. Не дзіва, што колькасць ахвотных прыехаць сюды павялічваецца ў геаметрычнай прагрэсіі. Аднак, нягледзячы на ўсё большы інтарэс да нашага скансена, пабываць у ім не так проста: хоць музей і знаходзіцца непадалёк ад горада, дабірацца да яго без асабістага аўтамабіля даволі нязручна. Тыя ж, хто наведаў гэтае унікальнае месца, вяртаюцца пад вялікім уражаннем. Але — скардзяцца: на той самы нязручны праезд, сціплы і не самы танны выбар харчавання, санітарныя праблемы... Карэспандэнт “К” вырашыў наведаць скансен у якасці турыста, каб на месцы, так бы мовіць, знутры даследаваць сітуацыю. А пасля, разам з кіраўніцтвам установы і зацікаўленымі спецыялістамі, абмеркаваць шляхі вырашэння праблем музея.

Рэспубліканскі агляд-конкурс на лепшую пастаноўку работы дыскатэк, які ладзіць Міністэрства культуры Рэспублікі Беларусь, набліжаецца да завяршэння. Паўдзельнічаўшы ў выездах экспертнай камісіі, куды ўваходзяць кваліфікаваныя спецыялісты з Міністэрства і Беларускага дзяржаўнага універсітэта культуры і мастацтваў, карэспандэнты “К” здолелі не толькі пазнаёміцца з дыскарухам у рэгіёнах, але і звярнуць увагу на яго новыя тэндэнцыі і старыя праблемы.