САЛОДКІ МІФ ГЛАМУРУ
Заслужаны дзеяч мастацтваў Беларусі Нінэль Шчасная адзначыла сваё 75-годдзе. Мастачку вылучае рознабаковасць інтарэсаў і творчых прыхільнасцей: яна займаецца жывапісам, станковай і кніжнай графікай, архітэктурай, манументальнымі роспісамі, аздабленнем інтэр’ераў. Сярод герояў работ — Францыск Скарына, Еўфрасіння Полацкая, Уладзімір Дубоўка, Іван Шамякін... Творчай манеры мастачкі ўласцівы мяккасць і лірызм светаадчування, арыгінальнасць колеравага бачання, імкненне да пластычных эксперыментаў. Зараз Нінэль Шчасная рыхтуецца да персанальнай выставы. Акрамя ўласных работ, мяркуе прадставіць графіку і жывапіс дачкі Лады.
Далей